Parantos Tilar Dunya

Aya beja dina WhatsApp nu nerangkeun lamun carogé Ibu Nanan Roihanah di SMA di Cianjur ngantunkeun alam dunya. Eta beja teh matak reuwas pisan pikeun kuring mah. Ras inget waktu kuring masih keneh ngahonor tahun salapan belas salapan dua di SMAN 1 Cianjur. 

Bu Nanan harita karak pindah ti SMA Sukaresmi ka SMA hiji salaku pegawai negeri. Sarua lanjang. Kuring mah karak kaluar kuliah terus ngahonor di SMA hiji. Kulantaran sarua mata pelajaran jeung sarua pada-pada anyar akhirna kuring sareng lbu Nanan ngarasa deukeut. Utamana mah kuring. Lantaran, kahiji, kuirng mah guru honorer anu teu boga babaturan anu sarua pelajaranna.  anu ka duanana kuring perlu bantuan Ibu Nanan anu pakuat pakait jeung buku sumber, rancangan RPP dengan hal-hal lain anu aya kaitan kana ngajar, anu memang kuring mah tacan boga pangalaman.

Kuring pernah diajak ka bumina di caket pangaosan Ajengan Elim.  Keur kuring nu urang kampung, karak nyaho jugrugna  kompor gas. Kuring teu nanaon diseungseurikeun da mémang teu apal siga kumaha ari kompor gas. Ti saprak ningali kompor gas di bumina, ti harita kuring niat lamun boga imah sorangan rék meuli kompor gas.

Hal anu kuring inget nu lainna nyaéta Bu Nanan mah kalem. Barudak muridna ajrih. Ari kuring mah jauh ti kitu. Gélényè loba seuri amis bujur, jeung barudak asa jeung babaturan, malum karak kaluar kuliah.

Bu Nanan nunjukeun buku gedé ti Erlangga, buku sumber. Kuring dipapatahan maksud bukuna téh naon. Hayang seuri ayeuna mah, kuring teu ngarti kana naon anu rék diajarkeun! Matak ngérakeun. Tapi rumasa teu bisa, sok tatanya baé ka Bu Nanan.

Ayeuna carogéna pupus, aduh haté milu ngarakacak. Teu bisa ngalayad da usum korona. Ukur bisa ngadoakeun sing ditampi iman islamna. Bu Nanan katut kulawargana sing kiat mayunan ieu cocobi. Kacipta baé tada teuing beuratna ditinggalkeun ku salaki. Ras ka almarhum lbu, sok mindeng huleng jentul sanggeus Apa ngantunkeun. Teu biasa papisah. Tungtuna taun 2010 Ibu nyusul Apa nu ngantun ti payun di taun 2008.

Innalilahi wa innailaihi rojiun. 

Anu sami pupus dinten ieu:

Innalillahi Wa Innailaihi Roojiuun. Telah berpulang ke Rahmatulloh, Ayahanda Irma X IPA 6 td subuh skitar jam 04.00. Maaf br menyampaikan bp ibu mohon doanya dr semua. Semoga Alm. Husnul Khotimah & keluarga yg ditinggalkan diberikan kekuatan dan ketabahan 🤲

Innalilahiwainailaihi rojiun..parantos ngantunkeun pa Entis Sutisna guru SMPN 3 cugenang,tadi wengi tabuh 12 di bumina kampung cariu pengkereun SD karyabakti..mudah2an pupusna husnul khotimah aamiin..