Sasaha gé teu téga ningal Ma Hayati nu ukur bisa humaregung nahan kanyeri. Geus ampir genep bulan gering, malik, mun aya nu malikeun, nyangigir mun aya nu mangnyangigirkeun. Beurang peuting humaregung, sorana asa ngagerihan getih, milu mangnyerikeun. Tonggongna geus ampir gorowong béak ku mopog nu jadi borok bakat ku lila teuing namprak ngagoler. Ayeuna mah komo, keuneung-keuneunh sukuna milu borok, siga kaduruk, kulitna hideung jerona nanahan. Nu ningali ukur bisa ngalieus, kacipta kumaha nyanyautanna dina waktu nanah keur bitotama jeung jaram anu diakutan ku getih.
Mun meunang mah hayang ménta ka Alloh sangkan geura-geura baé dipundut. Teu kuat ku watir jeung karunya dina waktu aprek-aprekan siga hayam salah meuncit. Jumeritna kadéngé lir maké sora nu jolna lain tina jero genggerong nu geus dalapan belas poé ukur asup cai saséndok dina sapoéna. Ceuk saréat mah matak teu kaharti nyawana bet bisa kénéh betah jeung nyangkaruk duka di mana. Panonna geus teu puguh melong ka mana, ceuk sasaha gé geus kosong.
Bah Haji nu boga kabisa saeutik ngeunaan
No comments:
Post a Comment