Dilantik

Ti poé ka poé karasa leuwih nyelek kana harigu. Saban aya ondangan atawa pengumuman anu diunggah kana grup WA Cawas disangka surat ondangan pelantikan atawa pengumuman pelantikan. Satiap kanyahoan lain surat anu diarep-arep, haté ngarentet. Beu,  lalakon téh,  ngambay. Salapan bulan lain waktu saeutik tina jangji cenah moal leuwih ti dua minggu ti saprak narima STTPL. 

Ari pék  subuh bieu aya surat di kepala sekolah  baru diémbohan ngawilujengkeun dilantik Pengawas poé ieu.

Asa teu percaya. Tapi piraku  KS heureuy. Surat lalaunan dibaca. Bener baé aya ngaran kuring nu kaasup kanu dilantik babarengan jeung Kasubag TU, ogé Pengawas nu ti Sukanagara. Ti SMK mah teu aya, ti Bandung Barat ogé teu aya. Matak hémeng. 

Pelantikan nuturkeun galibna jaman pagebug  nyaéta virtual. 

Nitenan hiji-hiji ngaran nu dilantik, katingali aya nu diwarnaan dina ngaranna, teg,  boa anu miharep hayang dilantik poé ieu teu muncul ngaranna, muncul malah ngaran nu kuring sorangan teu wauh saha-sahana.