Ceg kana mik maksud téh rék ngumumkeun kana speker mun mang Rowi maot. Mik dicekel, rarasaan teh di imah, di Caringin. Mun ningali ka tebeh wetan, breh lembur Caringin, saguncluk, ngarunggunuk, imah Pa Amil, Mang Uci, Mang Adin, Mang Hadna, Mang Sahri di pangtukangna.
Nurutkeun umumna ngumumkeun nu maot, pok ngomong dimimitian ku assalamualaikum. Tacan ge cacap uluk salam, katempo sawah nu pinuh ku pare koneng meujeunhna dipanen, katingali ngaleled,siga samak rek digulung. Kasedot, siga dina film kartun. Kuring kacida reuwasna. Ceuk hate, kudu nyalametkeun diri, ulah kasedot kabawa ilang jeung pare oge sakabeh nu aya diluhureun taneuh.
Angin ngagelebug, taneuh nyeot, kasedot. Kuring neangan tangkal, tunggul, atawa naon we nu sipatna nangtung, kuring yakin mun suku teu nincak taneuh moal kabawa kasedot. Lengeun buru-buru ngayap neangan tangkal. Ceg kana tangkal Jengjen nu sigana teh karak meunang motong. Kuring ugil-ugilan hayang bisa naek ngarah teu kasedot ku tanaga nyedot nu jolna ti jero bumi nu sakitu gedena.
Tah sakitu ngimpi ngeunaan mang Rowi maot.
Isukana di tanyakeun ka lanceuk kuring ari Mang Rowi jumeneng keneh atawa henteu. Rumasa bae geus lila tara balik ka lembur. Ti saprak indung bapa maot, arang langka ke lembur teh.
Ari ceuk lanceuk teh, aya keneh Mang Rowi mah, ngan geus kolot we. Geus teu bisa nanaon. Di imah we, torek cenah deuih, jadi hese komunikasi.
Bapa mah mun hayang cageur, nya cageur!
Ari ceuk lanceuk teh, aya keneh Mang Rowi mah, ngan geus kolot we. Geus teu bisa nanaon. Di imah we, torek cenah deuih, jadi hese komunikasi.
Bapa mah mun hayang cageur, nya cageur!
Katingali Pa Sopandi diuk dina korsi sofa dihapit ku dua budak lalaki, umur 40an jeung hiji awewe nu make tiungna teh saperti diharudum, nutupan bungeut oge awakna. Pa Sopandi katingali jag-jag belajag, make baju kameja warna abu-abu. Sigana mah keur ngobrol jeung anak jeung pamjikanna.
Kuring puguh we hemeng, pan Pa Sopandi mah ulam kasur, teu bisa hudang, malah ceuk nu bohong tea mah, mun hayang malik, dibalikkeun, mun hayang mandi, dimandian. Struk geus aya kana dua taunna.
Kuring puguh we hemeng, pan Pa Sopandi mah ulam kasur, teu bisa hudang, malah ceuk nu bohong tea mah, mun hayang malik, dibalikkeun, mun hayang mandi, dimandian. Struk geus aya kana dua taunna.
Pok kuring nanya, teu kuat ku panasaran. "Sanes, Bapa teh teu damang?" Ati-ati pisan kuring nanya teh, bisi bae pananya kuring matak nyugak kana hatena.
"Eh Bapa mah, mun hayang cageur, nya cageur," saurna, siga nu hayang mokpokeun yen kaaayan ayeuna memang kahayangna. Manehna narima awakna ngagogoler teu daya teu upaya, teu hayang cageur.
Katingal dina panto eta rohangan aya barang-barang anu ditempelkeun, hiasan meureun. Nu jelas natrat katingali mah, udud, roko sabatang. Terus aya barang-barang lianna gan teu jelas jeung poho we naon eta teh, aya nu melengkung siga pecut, tapi lain pecut, ngan jelas bentukna we melengkung.
Dina kai rangka panto siga aya barang anu ditempelkeun, dibungkus ku daun cau seger, hejo.
Dina kai rangka panto siga aya barang anu ditempelkeun, dibungkus ku daun cau seger, hejo.
Saur Ibu teh," Tah ieu getih," nyarios kitu na teh bari ngadudut hiji bungkusan anu aya dina lawang panto tea. Bungkusan nu lainna mah teu dilaannan. Ngan bungkusanna mah sarua, bungkusanna tina daun cau, ngan teu gede, beukah siga nu dilaan ku Ibu. Ceuk kuring teh, "Etah mah uyah campur .. " kuring poho eta barang teh uyah campur nanahaon, ngan bentuna siga uyah huntu, bodas pagalo jeung barang lainnan anu sarua warnana jeung uyah huntu tea.
Ret ka jero imah, aya Yankie keur mulungan, eh boa meresan beas nu mawur campur bilatung. Katingali aya getih nu nyakclakan. Eta barang anu getihan jeung nu disebut getih teh dipiceun, dialungkeun kaluar ku Ibu.
Tah eta ngimpi anu peuting kadua, salila ngendong di hotel Zest.
No comments:
Post a Comment