Haolan

Mimitina tina ngariung di A lden. Ngaroubg maca Yasin saban Salasa makem Rebo. Nu hadir, kulawarga we, teu rame-rame, teu ngondang tatangga,  jadi teu loba nu hadirna ge, ngariung we aya kana 15 jelema mah. eukeur mah teu meunang, pan kopid, ruang riung teh.

Ari pas ngariung anu méméh puasa, der salaki nawaran. Majar téh,  "Ngariung di Kang Fiat, atos, ngariung di Iin, atos, kantun ngariung di abdi nu acan téh." Beu, ceuk haté,  sok ngumbar kawani, bari teu tatanya heula ka pamajikan, boa sapuk, boa henteu. Panan ari ngondang nu ngariung téh kudu nyiapkeun dahareunana, tempatna, jeung sagala rupana wé. 

Sigana mobok manggih gorowong, aya jalan, komo meuntas, A Iden mutuskeun engke malem Kemis ngariung di imah kuring.  Beu, waktuna ngan  kari sapoé,  atuh samporét pisan. Kumaha ngatur imah, kumaha,  masak, mangkaning kuring keur aya gawé ka sakola, mariksa ujian sakola. Matak jangar. Tah kieu balukar harus teuing ngomong téh. 

Kuring teu nolak, da pan teu hadé lamun geus nyanggupan tapi ménta bedo.

Bari rada ngahuleng kuring jadi rada gelar hemir. Kapikiran kumaha balanja, masak, kumaha meresan imah, kumaha sagala rupana wé. 

Pagawéan ngadatangan sakola teu  bisa dirobah. Tungtungna ngandelkeun kumaha behna wé.  Untungna A Iden nelepon deui lamun haolna dirobah tanggalna jadi Rebo malem Kemis tanggal 7 April. Ku kuring disanggupan. Kari mikir kumaha masak, jeung nyadiakeun susuguh. Panan poé Kemisna téh rék ka SMA Nahwa Cantigi di Kecamatan Cikadu. 

Ahirna mah disatujuan,  kuring  nyadiakeun duit wé, nu masakna mah bisa Ceuk Ule, atawa Ceu Denda.