Keur leugeun pakupis parebut waktu jeung nyiapkeun zoom, kring telepon disada. Eta teh telepon kadua. Dina hate teg bae pasti nu nelepon teh Kepala Sekolah rek mastikeun IHT. Buru-buru hape dicokot. Maksud teh ngarah aya waktu keur nembalan, teu kasérédkeun waktuna jeung keur ngamimitian zoom.
Waktu telepon diangkat, katingali foto hiji awéwé jaman ayeuna. Geus kolot tapi papakeanna necis, ngagambarkeun yen manehna awewe anu boga karir. Ras ignet deui ka waktu harita. Menahna kungsi datang ka kantor tempat gawe kuring. Majar teh hayang diajar, keur luang manehna ka hareup. Cara ngomongna teureugus, taya karingrang, pertentang. Keur kuring mah matak hoream lantaran cara ngomongna meakkeun kasempeten keur nu jadi batur ngomongna pikeun mere paham ka manehna yen luang teh bisa kacangking lamun manehna loba ngadengeukeun lain ngabamblam bae ngomong.
"Ibu lulus tahap 1 PA?" pokna bangun rada hendeueul.
"Muhun, kunaon kitu?" Kuring otomatis nanya. Nanya teh pedah ku helok bae, naha manehna bet nyaho kuring lulus, padahal eta informasi teh sifatna lain keur umum.
"Pan abdi oge ngiringan, ngan teu lulus." Tembalna bari bangunna teh klik leungeunna ngirim screenshot pengumuman anu nunjeukkeun yen manehna teu lulus. Kuring masih hareugeueun, pipikiran geus kamana mendi. Kumaha lamun manehna ngajak ngomong terus-terusan, sedengkeun kuring rek ngamimitian amre materi pembinaan ka guru-guru ngaliwatan zoom. Kuring yakin, para peserta ningali kuring anu keur nelepon.
Manehna terus neruskeun omonganna.
"Abdi mah teu lulus lantaran abdi ngalakukan hal fatal."pokna. "Abdi ngascreenshot layar."
Kuring rada ngahuleng, naha screenshot bisa matak teu lulus.
Ibu Kepala SMP 5 Sukanagara Kurniasih bertanya screenshot, mengikuti saya, adzan diam, PKB untuk KS.
No comments:
Post a Comment