"Ganjil genap, Pa," pokna.
"Aduh maap Pak, saya tidak tahu, Pak," kuring nyobaan ngabéla diri. Nyebut tidak tahu téh mémang enya teu nyaho lamun poé Jumaah di Jakarta aya aturan siga kitu. Di lembur kuring sorangan mah, istilah ganjil genap téh ngan sakadar sesebutan.
Sigana pulisi téh teu hayang nyaho kana cupetna kanyaho kuring kana urusan ganjil genap. Manéhna anteng ngagutrut nulis.
"Bapak, sidang tanggal 10 ya," pokna pulisi bari ngasongkeun keretas warna biru.
"Aduh, apa ada cara yang lebih praktis Pak," kuring lah-lahan nanya kitu ngarah teu kidu sudang-sidang, réncéd panan kikituan téh. Lain teu hayang jadi warga nagara anu tumut ka pamaréntah. Waktu, euweuh waktu jeung riweuh wé lamun kudu sidang mah.
"Oh, gini aja," ceuk pulisi bari mikrun lertas warna bulao ngora, "Bapa ke ATM Bank BRI, bayar di sana."
"Bisa dari M-banking ga, Pak?"
"Gak bisa, harus ada kuitansinya."
Heuh ieu mah, panan tina M-banking ogé aya bukti mayarna. Naha maké kudu ka ATMna sagala. Keur naon atuh aya cara praktis ari masih kudu ngagidig ka bank kénéh mah. Haté kukulutus, tapi beungeut mah dipaksa katingali siga jalma soméah. Omongan ka pulisi anu kaluar mah kieu, "Baik, saya ke ATM dulu, Pak."
"Saya tunggu di sana. Silakan segera bayar. Bawa kuitansinya. Terus, ambil SIM di saya." Pulisi méré prosedur.
No comments:
Post a Comment