"Ah, taeun teh, ngariweuhkeun. Jaba ka nu karak orokan mah, sok rudet Bapa mah. Karak jol, sok hayang langsung balik deui." Pamajikanna ngamprang, teu panuju ka adat salakina anu teu betah mun nganjang ka minantu teh. Alesan bisi aya nu rek nambal ban. Lumayan hiji dua oge keur nyundang-nyundang dahar, atawa mun mahi mah keur nambah si jalu, nu bungsu, anu ayeuna keur nungtaskeun sakola di STIE Pasundan, kari skripsi.
"Ayeuna mah, hayu, ngendong!" Salakina ngomong teges matak ngaranjug pamajikanna. Tara ti biasana, make daek ngendong. Ngan ari haténa mah ngarasa bungah. Salakina daek ngendong di imah anak.
Anakna anu ti Bandung dititah balik, hayang ngariung, ngalongok incu lalaki kadua.
Bring tiluan ngencid ka imah anak nu cikal. Dina pikiranna kagambar keneh kumaha imah anakna.
No comments:
Post a Comment