Nabrak

Bus ka sakola. Suwung. 

Nanyak ka dua budak awewe nu make baju bodas hejo, sigana mun ningali wangun awakna mah, budak SD. Ditanya sugan nyaho di mana SMA. Jawabna sakolana siang. Geus puguh kitu mah, balik deui we.

Ngabejaan ka budak, mun geus beres, hayu balik. 

Jol mobil. Gebeg!

Bemper hareup mobil kentob, panutup lis luhureun ban ngaplek, sapotong lesot, kap kentob. Gusti naon deui cocobi teh?

E nabrak. Tapi da sanes lepat E. Motorna nu nabrak. Kitu ceuk budak. Kuring ukur ngahuleng. Hayu atuh sampeurkeun korbanna. Bisi dianggap tabrak lari.

Seak mobil maju. Cekeng teh lalaunan atuh, ati-ati. 

Nepi ka sisi jalan,  loba nu ngariung. Ieu meureun korbanna.

Ceuk lalaki nu make papakean haji, atos we, ieu mah lepat sadayana. Selesaikeun kekeluargaan we. 

Sabaraha pami masihan artos?

Sok we 500 rebu?

Aduh manawi tiasa 300 rebu?

Muhun sok we, engke pami aya kakirangan mah tiasa ditambihan.

Aya aki-aki beungeutna daradas. Panonna kosong, curang cireng teu nincak. 

Tatuna teu parna, ceuk hate. Motorna teu ruksak, ngan bagian hareupna we aya ku remek. Teu parna oge karusakan motorna.

 Ngan anger we ari kacilakaan mah kudu dibereskeun. Pa Misbah dibawa ka Puskesmas, ngarah nu daradasna diubaran.  Song dibayar.

Alhamdulillah, dokter nu ngubaranna, Dea, cenah baheula murid di SMA 2. Alhamdulillah. Ceuk dokter teh, teu nanaon, teu aya nu parna. Ngan anu daradas eta kudu diberesihan ku kasa ulah ku kapas. Tulang keringna teu nanaon, kabentur meureun, tapi teu masalah.

Dina hate galecok.

Lamun budak ngawaro mah, teu balik.  Moal aya kajadian ieu. 

Tadi isuk diomongan ka budak teh, tos nyewa capsule sapeuting deui. M aya kegiatan Kamis-Jumat. Balik heula mah, jauh, cape. 

Balik we ceuk budak teh. Nya ngelehan we. 

Teu bisa balik ka tukang sanajan 4 jam.

Ayeuna sanghareupaneun, nu make motor jeung kulawargana.

Sanggeus diubaran, dibawa deui balik ka tempat tadi, tapi cenah balik ka imahna we. Heg. Langsung dijajap ka imahna.

Kaasup jalma aya. Matak ngaranna H. Eta nandakeun jelema aya. Ngan cenah tos sataun teu gawe, nyupir. Ayeuna gawena tukang ojeg, nganteur nu garawe ka pabrik. Lumayan keur hirup sabulaneun mah cenah. 

Kuring balik. Mobil dibawa heula ka bengkel. Lamun ngoméan nu handapna 1,5jt, lamun jeung kap 2.25 juta. Alah duit deui we. Ceuk salaki mah tong waka ka bengkel, duitna urang paké mayar nu gawé.