Patepung lawung jeung pendamping

Poé Salasa asana, eusi grup Cawas pating koréjat. Aya surat ti Bu Eha,  lbu Kasi, eusina ngumumkeun saha diaping ku pengawas mana. Beja nu mimiti, batal, teu laku. Nu laku beja nu panganyarna.

Poé Senén 19 Nopember 2019 papanggih deui jeung pendamping anu  babak kadua di SMAN 2 Cianjur. Saperti nu geus kaliwat baé,  acara di mimitian tabuh 12. Padahal geus ngumumkeun dina WA lamun kumpul jam 8. Atuh kudu ngarobah pengumuman. 

"Tong hilap kempel di KCD tabuh 12an," kitu kuring ngabéjaan ka grup Cawas Kan Cianjur. Méré angka tabuh 12 téh angkeuhan pendamping datangna tabuh 8 isuk-isuk. Ari pék cenah hayang tabuh hiji. 

Kuring ngasms ka Pa Kasi ngabéjaan robah waktu. Bérés ngabéjaan PA kasi, buru-buru ngabéjaan nu di grup.  Ka nu di sakola mah teu ngabéjaan,  keun wé da anger engké ogé jadina mah ka sakola- sakola kénéh.  

Meunang rohangan Komiteu sakola keur riungan lain meunang gampang, lain cai atah. Meunang koordinasi ka ditu ka dieu, ngayakinkeun si itu si ieu. Lamun ceuk urang mah paké wé rohangan kosong mah da lain milik sasaha.  Teu bisa kitu panan.

"Kudu bébéja ka si anu, bisi si anu anu anu, engké jadi anu anu." Intina mah ngomong ka ditu ka dieu nu teu perelu siga kitu lamun hirarki komando jelas.