Lebaran

Teu kamana-mana, sieun korona. Tapi di makam mah ramé.

Nu mihapékeun  mobil piligenti. Lamun diidiitung samobil mayar 5 rébu,  meunang sigana kana 200 mah, ceuk wadulna. Pan sakalina parkir téh 2 mobil.

Ngan teu dilaksanakeun pikiran kitu téh.  Teu hayang guam asana téh.  Lebaran asa taya dangiang keur kuring mah. 

"Tunjanganna kepala cabang, 38 juta sabulanna téh!" Pokna yakin pisan. Kuring olohok, reuwas. Tunjangan anu sapuluh kali lipet, tunjangan anu katarima ku kuring.  Tunjangan anu dibayar setengah taun lamun ku gajih kuring anu golongan 4c. 

Paingan atuh tasna siga anu diiklankeun dina Instagram  lain tas KW, tapi tas orisinil. Terus,  paingan blazer batikna aralus, saban poe Rebo, ganti,  anyar. Atuh kabayar ku tunjangan 38 juta per bulan mah. 

Milik manéhna wé   boh jabatanna, boh tunjanganna. Teu perelu néangan duit tambahan, geus medah meduh. Pagawéan ngeunah pisan. Kudu itu,  kudu ieu,  hayang kitu,  hayang kieu, pokna. Kaasup ka kuring anu lain pagawéna. Kuring kaiket ku pédah manéhna kepala cabang dinasna. 

Ceuk pikiran babaturan kuring, munasabah mun kuring dibéré gaganti ongkos-ongkos waé  mah. Panan datang ka kantorna, migawé pagawéan manéhna.  Nya, méré sarébu dua rébu, keur nyumangetan ka kuring,  salaku pagawé leutik mah, wajar pisan. 

Kuring karak sadar, moal bisa make baju blazer batik nu cara manéhna.  Atuda pastina ge mahal  jeung lain blazer anu bisa dibeulo di toko Selamat.

Nasib,  nasib.