Ras yén kuring mah teu nyekel sakola anu lulus PSP,, atuh dina ciciptaan téh geus ngalangkang moal bisa ilubiung dina ngaronjatkeun pangaweruh nya kitu deui ngabimbing aakola. Panan pangawas anyar saperti kuring mah dibere sakola nu teu populer.
Poé kamari jol Pa J ti SMA 1 nelepon ménta sangkan daék jadi bagian tina komunitas pembelajar keur ngeusi slot pengawas. Kuring ngarasa atoh, atohna lain éngké jadi réngréngan komunitas pembelajar ti sakola anu pangagréngna di ieu kota, tapi hartina kuring bisa milu ilubiung tungtungna nyaho peresis naon wae anu dipigawé ku sakola anu kaasup kana PSP.
Haté ngagereyem ngucap nuhun kana kamurahan Gusti. Geuning najan teu ngabina sakola agréng ogé, ari milik mah, aya wé jalanna. Jalanna téh pengawas pembinana cenah teu boga nomer UKG, poho jeung tara ngurus nu kararitu alesanna teu maké nu kitu gé gajih lancar, jeung apanan dua taun deui gé pangsiun, teu perelu ula ilu PKG, SIM PKB. Pangakuan éta kadéngé pisan ku kuring waktu kuring badami jeung manéhna salaku ketua MKPS waktu kuring perelu nomer UKG-na pikeun kuring bisa gabung dina komunitas pengawas di SIM PKB.
Dina obrolan manéhna nanyakeun naon untungna jeung naon rugina lamun teu ngurus nomer UKG jeung tara ngurus SIM PKB. Jawaban singét kuring teu aya rugina sabab teu aya pakuat pakait jeung gajih. Untungna lamun aya kegiatan ti menteri pendidikan jadi bisa miluan. Kitu hungkul. Oh atuh lamun ukur kitu mah, keun wé moal milu, pokna téh, da teu pati resep kana kegiatan pelatihan jeung nu kararitu mah. Kaharti jawaban manéhna nu nyebutkeun teu perelu téh, sabab kegiatanna loba maké waktu tapi teu pati aya duitanan. Panan manéhna mah, pamajikaan anggota DPR, atuh manéhna sorangan, boga yayasan nu ngokolakeun sakola nu bingung nolak murid bakat ku kasohor sakolana. Teu butuheun ku kegiatan nu matak capé, eujeungna deui, kaayaan téréh pangsiun nambah-nambah nguatkeun alesan pikeun teu milu dina kegiatan pelatihan.
Lain deui pikeun kuring. Waktu ditawaran jadi réngréngan dina komunitas pembelajar téh, bungah haté téh. Hartina bisa nyaho kana program dina prak-prakanna. Teu ngatog lamun biantara, kitu ceuk babasanna.
Ngan dina pikiran jadi muncul ogé kabingung. Lmaun asup dina jajaran komunitas pembelejar SMA 1, moal kitu engkéna jadi kagok. Panan kuring keur miluan seléksi pelatih ahli. Piraku posisi nu dibimbing jeung nambimbing sakaligus dicangking. Tapi pan can tangtu ngabimbing SMA 1, jadi bisa waé. Jeung nu jelas, panan can tangtu lulus. Tah éta nu matak mentegeg kana haté mah. Kumaha mun teu lulus. Atuh meureun teu nyaho naon waé PSP jeung siga kumaha prak-prakanna. Panan pengawas anu ayeuna diasupkeun kana program, bakal pangsiun dua taun deui. Ka hareup, kuring boa anu neruskeunna. Kumaha lamun ngérekeun, teu nyaho mimitina, jol miluan di taun nu katilu. Tapi pikiran éta gé dipupus, tacan tangtu dina taun kadua kuring anu jadi gaganti.
Ngan dina pikiran jadi muncul ogé kabingung. Lmaun asup dina jajaran komunitas pembelejar SMA 1, moal kitu engkéna jadi kagok. Panan kuring keur miluan seléksi pelatih ahli. Piraku posisi nu dibimbing jeung nambimbing sakaligus dicangking. Tapi pan can tangtu ngabimbing SMA 1, jadi bisa waé. Jeung nu jelas, panan can tangtu lulus. Tah éta nu matak mentegeg kana haté mah. Kumaha mun teu lulus. Atuh meureun teu nyaho naon waé PSP jeung siga kumaha prak-prakanna. Panan pengawas anu ayeuna diasupkeun kana program, bakal pangsiun dua taun deui. Ka hareup, kuring boa anu neruskeunna. Kumaha lamun ngérekeun, teu nyaho mimitina, jol miluan di taun nu katilu. Tapi pikiran éta gé dipupus, tacan tangtu dina taun kadua kuring anu jadi gaganti.
Pa J ngabéjaan éngké KS SMA 1 bakal ngahubungi tina WA pikeun ménta idin ngaran kuring diasupkeun kana PSP. Kuring ngamanggakeun bari haté mah satengah paur. Paur bisi kudu ngalaman ngarangkep tugas: jadi anggota komunitas pembelajar, tapi jadi pelath ahli ogé. Ngan ari kabungah aya, saeutik nyempil. Bisa ilubiung dina progam nu keur trending, saha nu teu reueus atuh. Bisa cacarita PSP téh kitu, PSP téh kieu.
Bener wé, teu lila Pa KS ngaWA anu eusina menta idin ngasupkeun ngaran kuring kana réngréngan komunitas pembelajar. Terus jol deui WA ti Pa J menta nomer UKG jeung NUPTK. klik ku kuring dikirim.
Pa J ngirimkeun alamat pikeun néangan nomer UKG kudu ku alamat anu geus ditangtukeun. https://gtk.belajar.kemdikbud.go.id/akun/ptk ngaran kuring teu kapanggih. Ras inget waktu muka SIM PKB anu karak dimigrasikeun ka Pengawas, apanan satminkalna jadi dinas provinsi jawa barat kaasup kota Bandung. Dicobaan ku kuring diteangan maké kota Bandung, ari pek teh bener bae, asupna ka kota Bandung. Klik hasil ngaran dikirim ka Pa J.
Pa J ngirimkeun alamat pikeun néangan nomer UKG kudu ku alamat anu geus ditangtukeun. https://gtk.belajar.kemdikbud.go.id/akun/ptk ngaran kuring teu kapanggih. Ras inget waktu muka SIM PKB anu karak dimigrasikeun ka Pengawas, apanan satminkalna jadi dinas provinsi jawa barat kaasup kota Bandung. Dicobaan ku kuring diteangan maké kota Bandung, ari pek teh bener bae, asupna ka kota Bandung. Klik hasil ngaran dikirim ka Pa J.
Dua jam ti harita, trang tring kana WA aya beja nu asup. Ti Pa KS, ti Pa J, ti Pa Pengawas, kabéh eusina sarua, ngirimkeun scrénshot anu nétélakeun yén no UKG pa Pengawas kapanggih. Maké cara nu ku kuring dipaké nyaéta nulis ngaran jeung milih kota Bandung. Bréh baé ngaran pengawas RDK ngaronghéap tina sistem.
Trang tring, WA ti tilu jalma éta ngabéjaan yén teu tulus ngasupkeun kuring kana réngréngan komunitas pembelajar SMA 1. Kuring ngarahuh. Bungah, kuring teu kudu jadi bagian tina réngréngan SMA 1 anu lain sakola binaan kuring. Tapi bingung ogé kumaha lamun pelatih ahli teu lulus, atuh teu apal kumaha prak-prakanna PSP.
Trang tring, WA ti tilu jalma éta ngabéjaan yén teu tulus ngasupkeun kuring kana réngréngan komunitas pembelajar SMA 1. Kuring ngarahuh. Bungah, kuring teu kudu jadi bagian tina réngréngan SMA 1 anu lain sakola binaan kuring. Tapi bingung ogé kumaha lamun pelatih ahli teu lulus, atuh teu apal kumaha prak-prakanna PSP.
No comments:
Post a Comment