Nyieun jurnal kahiji

Sanggeus jelas jadi pengawas, kapikiran deui pikeun nulis jurnal salila pengawas. Ngarah bisa naék pangkat. Ngan lamun naék pangkat ka 4d , éta aya efek sampingna. Nyaéta pangsiun bakal leuwih lila, jadi 65 taun. Rék gawé waé,  atawa rék pangsiun umur 60? 

Jadi rada mikir-mikir, maenya ngan gawé waé.  Tapi ketang ari teu gawé,  teu boga cabak meureun. Keun wé nini-nini gé gawé.  Santey wé gawéna ari geus kolot mah. 

Mimitina miluan nulis jurnal keur prosiding t8 RPI, rumah pendidikan Indonesia.  Saha RPI teh? Ah duka teuing, ngan éta aya wawaran dina WA. Nya ngiluan wé,  asa aya ideu tina waktu méré pelatihan maké padlet. 

Der bae nyieun abstrak,  mayar we 250 rebu. Lolos caritana.  Terus presentasi. Ari ayeuna, kudu nyieun jurnalna. Hadeuh.  Geus lila teu tulas tulis jurnal. 

Nya Wayahna kudu dijieun. Tanggal ahirna 18 Mei. Pageto.

Nyaéta tadina mah horéam. Horéam bisi kudu naek pangkat deui. Sanggeus dipikir-pi kir, keun baé naék pangkat deui, ngarah umir teh digunakeun keur ngabina guru jeung KS, ngarah umur teh mangpaat. Da ari pangsiun terus ngebon mah, ah da lain tukangna. Kurad kored sakadar resep mah, osok. Ngan lamun ninggalkeun kahirupan biasa, terus jadi patani, kaburu béak tanaga. Kahayang mah, nya geus pangsiun mah, jalan-jalan  lain ngamimitian gawe jadi patani. 

Seuseut nyieun jurnal téh.  Sigana moal beres sapoé.  Jeung duka ditarima duka moal. Asa horéam nganalisis jeung mikirna. 

Dina haté asa jadi bagian nu kapiceun. Asesor teu milu. Komunitas pembelajar teu kabawa. Ngan aya harepan téh,  bulan 9. Naon? Duka. Éta mah neundeun harepan we..susuganan aya rezeki nu teu disangka sangka.