Penguatan Komunitas Praktisi

 

Pelatih Ahli Badriah dina pembukaan Penguatan Komunitas Praktisi

Asa horéam téh diajar keur ngajejeran di PKP1 anu rék diayakeun di SMP 4 téh. Dina pikiran Vetta kabayangna sakelas teh ku duaan. Jadi teu kudu ripuh-ripuh, pan ku duaan. 

PPT ukur dibuka sautik, diakurkeun jeung anu buku panduanna. Asa geus loba teuing maca, loba teuing nyieunan PPT, awak teh asa cape pisan. Hayang saré wé. Tungtungna, cul baé. Sabodo wé isukan mah, kitu ceuk pikirna.

Vétta ahirna mah kudu miang. Dianteur ku salakina, manehna ngajugjug sakola anu ditangtukeun. 
Manehna kapeto kudu nga-MC. Najan embung-embung oge, kapaksa maju da teu aya deui nu daek, alesanna nu lain mah semah, teu apal saha-saha pejabat nu rek bewara. Nya, der bae. Vetta nyatet dina keretas, puji syukur. Dina nga-MC nu kamari manehna poho nyebut puji syukur. Memang kaharti lamun manehna poho. panan manehna mah kaasup jelema anu teu resep ngomong basa basi dina kahirupanna, pon kitu deui dina acara resmi. Lamun ngadenge anu wasolatu, wasalamu, ama ba'du teh, manehna mah nyengir. 

Sihoreng cara teh per kelas, tunggal. 

Tapi manehna teuneung. Keun bisa maca. Sanggeus acara pembukaan di aula rengse, Vetta nuju ka kelasna. Sor salah sahiji babaturanna ngasongkeun foto kopian anu dijangjikeun peuting samemehna. Babaturanna nyarita yen aya sabeundeul deui di Bapa Hatta keur dipoto kopi. Vetta ngahuleng, naha bet masih keneh aya nu difoto kopi, lain kabehanna geus beres? Kajurung ku panasaran, Vetta neangan jelma anu nyangguan moto kopi. Hese sihoreng neangan kelas D di sakola anu memang manehna teu wawuh. Sanggeus kapanggih kelasna, panggih jeung jelemana, manehna langsung nanyakeun. Jawabna cenah entos dititipkeun ka Bu Yanti. Vetta ngahuleng, ongkoh cenah aya keneh di Bapak Hatta keur difoto kopi. Matak bingung. 

Eukeur mah bingung, kadenge ti kelas nu dibarengan ku Pa Asep geus mimiti rame. Bangunna acara geus der. Ari Vetta mah, panan karak kaluar. Kelas Pa Asep geus kaluar rada awal. Sanggeus acara foto bersama, langsung ka kelas, tangtuna bisa ngamimitian. Vetta dug deg hatena, bisi katingaleun ku nu sejen. Acara sakitu ngabadegna, ari manehna ngurus pembukaan heula. Acara nu manehna kalah katoler-toler.  

Badriah ice breaking 1

Ngarah teu tingaleun, acara langsung kana ice breaking. Hoream dina hatena mah teu digugu.