SMP Al.hanif jeung PMO

Isuk-isuk  Vetta  geus saged rék  ka SMP  Al.hanif. najan teu nyaho gé  di mana-manana, indit baé.  Dina uteukna susuganan baé  aya beubeunangan sarébu  dua rébu  keur nambahan mayar  nu gawé.  Panan manéhna keur hangkeut nyieun pager.

Geuleuyeung  mobil Ignis warna kulawu maju ngidul. Ceuk google map, Al Hanif teh saméméh eh satutas  Polsék Cibeber. Asa gegerebegan maké mobil sorangan ngaliwatan jalan nu butut. Jalan téh kosong molongpong. Sukur ceuk haténa. Malaur loba mobil, sieun nyigeung mobil batur, malum panan tacan tapis mawa mobilna.

Geus kaliwatan Polsék téh, teu jauh, aya plang beulah katuhu, peuntaseun Polsek, sup ka jalan leutik. beuki ngicup jalan téh. Haté  Vetta dug deg, sieun teu bisa parkir lamun seug salah jalan. Lah-lahan terus maju. 

Sup ka jalan ngan mahi samobileun. Gerbang sakola dibuka. MObil asup ngaliwatan barudak SMP anu keur ulin. Sakola téh geuning loba, aya SD, SMP, SMA, SMK. Bentukna siga gentong. Geus di jero mah lega. Aya balai pelatihan sagala. Sakabeh bangunan, dominan pulas hejo. Ras ka sakola-sakola anu merkna Islam, maraké pulas héjo. Eta ge meureun, sarua sumangetna. Hejo.

Ah, asa kurang sumanget barang asup teh. Meureun kila-kila.