CFD jeung Surat Teu Aya Nomeran

Saperti biasa, sare loba ingetna. Ngarah pikiran teu kumalayang, nyetel ngaji filsafat. Sigana aya kana opat kali nyetel. Pikiran sina cicing ngadengekeun sora nu mere wejangan. Jam tilu, hudang, ka cai. Nginum. Sare. Asa hayang pipis deui. Hudang deui. Ka cai deui. Pipis deui. Sare deui. Nyetel ngaji filsafat deui.

Hudang jam 5 leuwih. Buras beres saeutik. Make baju olahraga,  disapatu. Indit leumpang ka CFD Pasir Hayam. Sanepina we. Lamun teu kuat, naek angkot we, balik deui.

Ngagidig, leumpang gancang,  ngarah burayut beuteung leungit. Kitu nyumanngetan sorangan. Pastina oge, burayut jeung gajih nu beuteung moal ilang ku leumpang 30 menit. Najan ceuk ahli mana-mana ge moal bisa.

Ka CFD nyampak masih kénéh teu ramé.  CFD teh di dieu mah jadi tempat jajan. Sagala rupaning kadaharan, papakéan, bungbuahan, ngaleuya. Kuring ge indit teh lain sing rek olahraga, rek meuli calana jero! Cangcut geus sarereg. Geus matak eungap mah geus puguh,  anu riweuh sok jadi ngageleng, ngajelur,  arateul. Mawa duit 100 rebu. 50 rebu keur cangcut, 50 rebu keur sarapan jeung budak. Urang mah meuli Hobus kadaharan urang Arab. Keur budak mah meuli tahu kupat Singaparna.

Geus kitu mah, balik we naek angkot. Karak nyabo ongkos angkot teh geuning mahal, 5 rebu. Atuh mending grab,  9 rebu nepi ka imah.

Poe ieu, ka pom bensin  ngeusi bensin.  Eh barang beres ngeusi, aya WA ti Bu Dea nanyakan siap henteuna milu gelar wicara. Oh lolos ning. Teu nyangka. Pagawean asal. Bensin dibayarkeun cenah. 

Teu lila Bu Neneng CGP ngirim surat anu can aya nomeran. 

Buru-buru we dikirim ka lbu Kepala. Bebeja maju terus.

Aya Pa Alwi,  Bu Ratih,  Bu Siti Maspupah, Bu Lina ti KS.