Tiiseun

Poe Saptu.

Geus boga jangji rek ngabaturan Al Bahjah akreditasi. Dina hate mah, hoream kacida. Tapi teu ngeunah, geus jangji. Nya, ahirna indit make Si Cuan, F 1473 YP, sanggeus disineungeutan tamba beyedug teuing ku kokotor tina taneuh nu narempel, kahujanan,  jadi kotor katempona.

Sanggeus mere dahar  jeung mere obat ka budak. Kuring indit. Geus ampir sabulan teu nyekel stir mobil, asa karagok. Tapi da meureun keterampilan otot mah bakal balik deui lamun dipaké. Nya sanggeus sababaraha menit geus bisa nyambung antara leungeun, gas, rem, jeung panon.

Nepi ka Al Bahjah jam 9 leuwih. Rame di sakola teh. Hari kunjungan. Kolot barudak daratang, spend the time with their kids, ditempatkan di kelas, geus diatur, bisa balakecrakan. 

Barang jol, satpam nitah parkir hareupeun lobi. Tapi da ceuk pikiran teh, dina hareupeun lobi ge, anger we kapanasan mobil mah. Matak entos we teu pindah parkir teh sisieun mobil Avanza.

KS nyampak. Langsung dibawa ningali supaya sakola teh siga sakola. Naon cirina sakola? Aya plang sakola. Ieu mah bangunan hade ngajengleng tapi teu aya plang. Sasaha moal aya nu nyaho mun eta teh sakola. Nya, saran nu kahiji. Nyieun plang nu badag katempo ti nu datang ti beulah wetan, ti beulah kulon. 

Terus sakabéh rohangan dibéré plang ngaran. Ngaran-ngaran tingali dina borang akreditasi. Hareupeun kelas, ulah kosong. Béré kekembangan.  Wilayah nu karosong eusian ku gambar kegiatan. Gunakan tembok pikeun tempat diajar. 

Eta cenah aya 72 kata mutiara Buya Yahya, sok pasangkeun, sing rapi. Rohangan perpustakaan bere ngaran, euisan agenda, daftar hadir, aya komputer.

Teu karasa jam 11. Niat teh moal lila teuing di dinya téh.  Melang ka budak. Ramo otomatis ngaWA nanya kaayaan budak. Teu aya jawaban. Centang hiji. Haté jadi tagiwur. Bisi budak kumaonam. Kasampak guyang getih, atawa geus jegreg. Astagfirullah. Gusti haté lelenyapan.  Sanggeus dahar ngariung, solat lohor, kuring méré pituduh kudu kitu kudu kieu, teu bisa ditungkulan. 

Niat teh méméh balik rék meuli heula sabun paranti ngumbah piring ka Alfa. Dipikir-pikir, sieun budak ku nanaon. Teu jadi mengkol. Langsung we ka imah. Imah téh tiiseun siga teu aya jelemaan. Teg hate ka nu goréng. Boa-boa. 

Sup ka imah,  rehe, simpe. Terus we ka luhur, alhamdulillah,  budak keur maén game.

Sorena aya nu ngomean tulak gerbang. Katingali saliat ban mobil nu tukang,  kempes. Aya-aya wae uruseun teh. Pikiran teh geus peuting, isukan deui we ngurus ban mah. 

Peuting ditutup ku mere obat ka budak, saré jam 10an.

Ngimpi lamun ngaran Pa Cc kapanggil dina hiji riungan. Kuring neangan Pa Cc. Beu, meni kaimpi-impi urusan menta bantuan Pa Cc anu manéhna teu bisa nyubadanan sabab dina waktu anu ditangtukeun manèhna keur aya dina jero pesawat.

Pa Cc diganti ku Bu Lls. Duka manéhna ngomong naon ka juri. Dina ngomong goréng ogé panan teu bisa nyegah. Manéhna ngomong kieu, Ms henteu nyarioskeun awon da.

Lain jaman kiwari mah kudu bisa ningali ti nu sabalikna? Pertanyaan ti manehna, ari Ms aktif di mana wae? Wah, geuning manehna teh teu apaleun kegiatan kuring di mana wae.  Nya lamun nyaritakeun 'teu awon' ge,  kaharti. 

Ti mimitina ge geus cak. Miluan-lupakan. Nurutan Bu Ros pendamping Scopus. Kirim-Lupakan, Kirim lagi-lupakan.

Loba faktor keur bisa lolos ka Propinsi terus ka nasional.ari dina lomba mah. Nyanggakeun kumaha milik we.