Pindah Kamar

Teu aya deui nu kapikiran iwal ti kumaha nalingakeun anak. Sok sanajan pamohalan peuting ieu milampah anu araneh, tapi hate mah anger we gegebegan. Bisi. 

Untung E satuju lamun urang pindah.

Nya ku sorangan, der mimiti rohangan tengah diberesan. Lain diberesan, tapi dipindahkeun. Barang-barang anu nambru, dihalangan ku dipan kasur. Terus ngepel. Meni medok hideung. Bari beberesih,  dina pikiran jol ngomong kieu, boa budak teh jadi kalakuanna mahiwal, gara-gara ningali imah nu paburantak. 

Salah urang keneh atuh jadina salaku kolot teu bisa nyadiakeun imah nu bener. Teu bisa beberes.

Sanggeus beres ngepel. Meja Dayana di kaluhurkeun. E mawa tilamna ku amparanbl. Asalna ku urang make samak. Ceuk E, entong, tiis. Amparab l didudut dipindahkeun. Di handap mah, paburantak, teu ditolih ku E. 

Jadi poe ieu, kudu meresan di handap. 

E sare keneh, 6.26. Tibra.

Tapi ceuk manehna sok ngarasa heart rate tinggi.

Tadi basa hudang sakeudeung, manehna nginum. Katingali getih dina pipi kenca katuhu pating bulaeh. Meni matak nyeri kana hate. Duh anaking,  rek kumaha hirup teh? Naha bet ngaruksak beungeut? Batur mah beungeut teh dipusti-pusti, dijaga. Aya jarawat leutik ge, meni siga kiamat. Ari ieu, pating rungkawak disoehkeun ku cutter, dina pipi, dina luhureun biwir. Masya Alloh.