Rumah Sakit Jiwa Cisarua

Beungeut budak raca tapak cutter. Matak ngalenyap hate nu ningali. Kitu deui hate kuring. Ngalenyap bari teu weleh murubut cimata. 

Asa pugag sakabeh lampah. Ras ka dokter Tri,  hayang meunang bongbolongan. Sok ka RSJ Cisarua we cenah.

Nya, sanggeus dahar, bring duaan ka RSJ Cisarua. 

Nepi teh ampir lohor, langsung asup ka IGD. Dina pikiran, lamun daftar biasa, moal bisa, BPJS mah kudu meunang pengantar ti RSUD Sayang.

Barang nepi ge langsung dipariksa, diberesihan raheutna. Terus dipenta supaya dirawat, asup ka ruang akut.

Ruang pengawasan make CCTV salila 24, diobservasi meureun. 

Ka ditu, ka dieu ngurus daftar. E katingal teu pati satuju. Jempe bae. Omongna kumaha M we.

Barang rek sup ka ruang perawatan, langsung bangbrat kaluar.

Kabur ti rumah sakit bari mobil dibawa siga nu edan teh enya. Suak seok matak soak. E ceurik, bari ngomong kecewa. 

Dititah eureun, bisi nyilakakeun batur. Kalah pok, ambek,  kudu maehan jelema, mobil ieu ditabrakeun. 

Sora teh dihaja sina datar ngarah teu kabawa emosi. 

Bari mawa mobil matak picilakaeun, emosi, ceurik, perban didudut, mun awewe mah meureun jejeritan.

Anu bisa inget:

Kecewa, kecewa pisan

Aing geus nulis ku getih,

Hayang kuliah musik,

M teu nyaho engke anakna kunaha, mun asup RS eta.

Hate lewang, ngarangkawak soeh panjang. Ukur bisa muruluk cimata. 

Teu bisa nyarita. Ari ka anak nyaah kacida, tapi teu nyaho kudu kumaha  nulunganna. Matak indit ka dokter oge, neangan luang, neangan nu bisa jeung ngarti. Ngan anakna nolak. Eta pilihanna. Nya teu bisa maksa. 

Ditanya nulis naon. Teu ngajawab.

Kudu kumaha M teh? Teu ngajawab.

Panan geus di dokter Tri. Tungguan, ukur kitu.

Kudu nungguan kumaha lamun 2 peuting kaliwat nyasaak beungeut sakitu jerona. Teu kaharti. 

Ahirna mah leler kaambekna. Disina nyisi mobil teh, mobil nyekit, direm, disakalikeun. Kuring ngomong hayu balik deui urang bebeja. Teu hade, bisi matak ngabarubahkeun,  tos menta kamar, tos pesen obat.

Teu tulus datang.  Kuring nelepon we ngabejakeun budak kabur, indit disampeur ku babaturanna.

Cimata ngagarajag.

Teuing cimata ngabelaan anak nu embung asup rumah sakit.

Teuing cimata bungah nyalametkeun budak tina saruntuyan pengobatan anu teu nyaho kumaha akibatna ka budak engkena.

E menta ka BEC rek maen simulator momobilan, ngedrift

Kuring mah nungguan