Awak teu ngarareunah, geus tilu poe kabagean batuk ngohkoh. Poe itu mah katambahan ku irung ngucur dampur eungap, jeung nyeri dada, panon oge asa nyeri. Kitu aturanna manusa. Nu cageur siap-siap kagiliran gering, nu gering siap-siap kagiliran cageur. Cakra Manggilingan kitu ceuk falasifah Jawa mah. Hirup ibarat rorodaan, muter. Sakapeung di luhur, sakapeung di handap.
Lumrahna kumaha nu gering, kuring ngagogoler, ngararasakeun sirah anu karasa asa ditindihan ku treuk nu mawa keusik. Satiap batuk ngajegoh, asana aya rebuan jarum anu narempel di jero dada terus didudut, nyeri. Teu kuat mikir. Padahal pigaweeun mah ngabadeg, pikirananeun.
Beurang-beurang karak kuat muka HP. Aya beja deui ti grup cenah kudu buru-buru divaksin Meningitis. Paspor kaluar ti imigrasi, 13 November 2024, jam 13.00.
Pikiraneun. Klinik CHB teu bisa maksin, karak ngajukeun cenah.
No comments:
Post a Comment