Madinah tiris pisan, nyecep kana leungeun jeung kulit beungeut.
Kuring muka WA grup, aya pengumuman:
Bismillah,
Bapak & ibu dipersilahkan untuk sarapan pagi di resto
Pukul 08.00, bersiap naik bus untuk ziarah kota madinah (Masjid Quba, Jabal Uhud, Kebun Kurma)
Catatan:
Sudah berwudhu dari kamar masing-masing.
Rasulullah bersabda: "Barangsiapa yang datang ke Masjid quba kemudian sudah berwudhu di rumah lalu melakukan salat sunnah 2 rakaat pahalanya seperti ibadah umrah"
- menggunakan syal dan name tag
Terimakasih.
اللهم صل على سيدنا محمد
Réngsé dahar endog dadar jeung kacang, disusul ku ngadahar imboost jeung madu sachet. Terus baé naék beus 1. Zarah nu kahiji, mesjid Quba. Ti hotel geus wudu, ngarah pas nepi ka mesjid Quba langsung bisa solat duha. Alhamdulillah, bisa kabagean solat di jero mesjid.
Beres solat, kaluar mesjid rek kana beus deui. Barang lol kaluar, masya Allah éta nu dagang asongan nawarkeun barang 100 rébu tilu, nyebutna Prabowo, Prabowo, meureun maksudna kana duit 100 rebu. Nu ditawarkeun mangrupa sajadah, tas-tas leutik, minyak seungit, korma, malah aya buah strawberry sagala. Asa teu gurun mun ningali aya strawberry mah.
Anu dagang nafsu nawarkeun neoika pating gorowok, sahwat nu meuli meni teu kaampeuh, antukna jual beuli, buk bek, di tempat heurin, bari asa di buru-buru, sigana teu dipikir asal kabeuli we. Bari asup kana beus teh, rarébo mawa balanjaan bari dikélék, dijingjing, dipangku.
Ku kuring ditelek-telek, anu sahwat balanjana gedé mah urang Indonésia we. Anu ti Kyrzygtan, Maroko, Turki, sigana ayem we teu kagoda balanja.
Mesjid Quba cetna kabeh bodas. Di sakurilingna pinuh ku tempat jualan kopi. Wawangunan kotak-kotak disagigireunna aya puluhan korsi jeung payung gedé. Cafemath salah sahijina. Ngan kios kopina can muka, meureun mukana sore atawa peuting.
Gambar: payung-payung caffee masih kénéh nutup
Mesjid Quba.Lontar Real
Belanja bisa pakai rupiah pecahan 100 dan 50 ribu.
Ngagelek, make basa Indonesia.
Jabal Uhud, 70 syuhada dikubur di sana.
No comments:
Post a Comment