Nepi ka bandara langsung dibagi paspor, visa, tiket. Amanah ti nu gareulis nu méré tiket kieu cenah, "Dokumen sadayana cepeng ku sorangan, ulah leungit. Tiket boarding pas tingali nomer diukna." Masing-masing narima dokumen. Pimpinan rombongan nambahan amanat, "Supaya fokus ibadah, dokumen kempelkeun deui engke pami tos dugi ka Jeddah."
Beres narima dokumen, kuring langsung ngantri asup. Teu bisa ka ditu ka dieu heula. Padahal si cikal pok deui- pok deui ulah poho ka Starbucks pesen smoked beef quiche, sandwiches, desserts weh croissant almond. Nginumna Green tea latte frappucino plus whipped cream, less ice.
Kuring ngabring nuturkeun ketua rombongan. Terus asup bagian X ray, alhamdulillah mawa cai lolos. Cai haneut keur nginum maksudna, jeung cai dina botol leutik keur paranti ka toilet engke.
Nungguan kana sajam mah aya, terus bae jam 11.00 dititah antri asup pesawat GA 980. Barang asup pesawat, alhamdulillah kabagian di nomer 54K, dina buntut deukeut jandela.
Penumpang riweuh, hayang tukeur tempat diuk. Pedah dibere beja meunang silih tukeur tempat diuk. Si pramugari anu bajuna sereg, ngomong nepika urat beuheungna kaluar ,"Bapa lbu jangan dulu pindah tempat duduk, pintu ga bisa ditutup." Kuring ngahuleng, tah naon hubungan antara tempat diuk jeung nutup panto.
scan Paspor. Buka halaman fotona, tingali kamera.
Terbang 9 jam.
Setengah jam sebelum landing, miqot, niat ihram.
No comments:
Post a Comment