Sanggeus markirkeun mobil anyarna, Rahma asup ka gedong anu pulasna sarwa héjo. Dina luhureun panto ngajeblag tulisan badag NauraGreen, perawatan wajah. Manéhna ngaléngkah kalayan nyalsé. Perbawa duit jeung mobil anyar ngajadikeun dirina bisa leumpang bari katingalina teuneung jeung ludeung pisan. Taya karémpan, duit bisa nyarita leuwih seukeut jeung leuwih matih batan omongan.
Sabenerna dina jero haténa mah kaayanna toja'iah pisan jeung anu katempo ku nu jaraga di tempat nu keur didatangan ku Rahma. Haténa lelenyapan sieun katohyan lamun manéhna lain tukang kaluar asup ka tempat perawatan beungeut. Salila ieu, manéhna ngurus hurik jeung burik kulitna cukup ku dibaluran konéng campur arem-arem tina beas.
No comments:
Post a Comment